Lýsing á áföngum Tækniskólans í vélmennafræðum.
Nemendur Tækniskólans tóku þátt í First Global vélmennakeppni og í kjölfarið var þeim boðið á Bessastaði. frá vinstri Guðni Natan, Flosi, Eiríkur kennari, Róbert, Guðni Th forseti, Guðrún aðstoðar skólameistari,Inga og síðast en ekki síst Kormákur.
Upplýsingatækniskólinn sem er hluti af Tækniskólanum er með tvo áfanga í vélmennafræðum, nám hjá okkur hentar nemendum sem vilja mennta sig í t.d tölfunarfræði, verkfræði og tæknifræði. Nemendur læra forritun, fá að setja saman og búa til vélmenni sem leysir hinar ýmsu þrautir. Áfanganir í vélmennafræðum eru tveir ef þú vilt fræðast meira um þessa áfanga og innihald þeirra þá eru krækjur í þá hér fyrir neðan:
First Global
Nemendur okkar taka þátt í keppnum First Global sem er einskonar heimsmeistarakeppni í vélmenna gerð fyrir fólk á aldrinum 15 til 18 ára. Keppnin 2017 var haldin í Washington D.C Nemendur okkar einbeittir og á fullu í keppninni í Washington, þetta var ómetanleg reynsla sem þau öfluðu sér og það var gaman hjá þeim.
Nemendur okkar tóku þátt í Hönnunarkeppni HÍ sem er á vegum tækni og verkfræðideildar HÍ 2018. Liðið okkar kallaði sig Tölvubraut og endaði í 6. sæti af 12 sem er mjög gott af framhaldsskólanemum enda erum við stolt af þeim. Við stefnum að því að taka þátt sem oftast. Þeir nemendur sem taka þátt í Hönnunarkeppni HÍ fá ígildi áfanga 5 feiningar metin fyrir framlagið enda er mikil vinna sem fer í að hanna og búa til vélmenni. Nánar um keppnina hér:
Í áfanganum kynnast nemendur vélmennum, hvað er vélmenni og hvaða tækni er notuð . Nemendur kynnast lausnaraðferðum, verkefnastjórnun, samvinnu og að nýta sér þá þekkingu í stærðfræði, eðlisfræði og forritun sem þeir hafa þegar vald á. Eftirfarandi námsþættir verða kenndir: Niðurbrot vandamála úr flókinni hegðun í einafalda hegðun (Behavior ) gerð flæðirita og sauðakóða og að lokum forritun sem vélmenni skilur. Hreyfing (fram,aftur,snúningur) tími og staða. Fjarstýringar (bylgjufræði) og nemar.
Vélmenni II seinni áfangi í vélmennum þar sem nemendur byggja og forrita vélmenni til að leysa hinar ýmsu þrautir. Í áfanganum gera nemendur stórt verkefni sem nemendur hanna sjálfir með annað hvort VEX eða Arduino smátölvum. Nemendur gera verkáætlun og verkefnið er brotið niður í minnstu einingar. Logskrár, verkefnalýsing, auðlindir þ.e vébúnaður og hugbúnaður sem þarf, flæðirit, sauðakóði og innleiðing. Öllu er steypt saman í lokaskýrslu og vef sem er með góðri framsetningu og aðgengilegur .